كيرو كورسات كيرو كورسات
recent

آخر الأخبار

recent
recent
جاري التحميل ...

مقالة فلسفية اعرف نفسك بنفسك

مقالة فلسفية اعرف نفسك بنفسك



اريد ألفت انتباهك لتشبيه غريب ان السوشيال ميديا او الإنترنت عموما شبه شخصيتك و ادركت عيوبها و ميميزاتها جيدا هتقدر تستفاد بأكبر كم ممكن من الإيجابيات الي فيها و تتفادي سلبياتها علشان كدة أول حد سعي انه يفهم نفس البني ادم هو ” سقراط ” الي ركزت فلسفته حول مفهوم “أعرف نفسك” و هو انه يكتشف ذاته و أهدافها و معرفه الأسرار الكامنة وراها ، علشان كدهه لابد من فهم شخصيتك عشان تستغل طاقتك دايما في انك تبقي أحسن نسخة ممكن تكونها و تصلح عيوبك.

اليكم تنصنيف الشخصيات بالنسبه للشخصيات السوية الطبيعية مش المرضي النفسيين ، لا يخرج عن 9 شخصيات مهما بحثت و لقيت أعداد أزيد فهتلاقي كذا شخصية مشتركة في حاجات كتير.


انواع شخصيات الانسان :-


للشخصيات السوية الطبيعية مش المرضي النفسيين وهى كالتالى:

النوع الاول : المصلح او محب الكمال


بيكون حكيم و ذكي بيحسب كل حاجة الأول كويس قبل مبيعملها و دايما عنده شعور بالمسؤلية و فعلا بيقدر يتحملها ، إيجابي و بيحاول يحل كل المشاكل الي بتقابله سواء تخصه أو تخص غيره و ملتزم جدا و دقيق و منضبط في كل حاجه عشان طبعا بيحاول دايما يكون مثالي و كامل و مفهوش غلطة لكن الكمال لله وحده طبعا
*سلبياته *: معندوش مرونة في التعامل الي هو دائما صارم ولا يتكيف علي رد فعل مكنش متوقعه مثلا و دائما بيحب ينتقد و يحكم علي الأشخاص و الأشياء شبه متسلط يعني.

النوع الثاني : المساعد او محب الغير


بيحب الي حواليه و بيحب دايما يقدم المساعدة طيب و كريم و ويتحمل المسؤلية و إجتماعي جدا و بيحب يشارك في اي حاجة و عمره ما بيحس بالغيرة أو الحقد علي حد أحسن منه..
*سلبياته*: حساس فلازم تاخد بالك من كلامك علشان ميتقمصش و بيخدم الي حواليه بستمرار فبالتالي بيأثر في حق نفسه...

النوع الثالث : المنجز أو المكافح


بيكون مجتهد و نشيط و عنده ثقة كبيره ف نفسه عشان كدة لما بيحط هدف لازم يوصلو بيحب دايما ينافس الي حواليه و التحدي دايما بيشجعو يبذل مجهود أكبر
*سلبياته*: بيحب الظهور و انه يكون لافت إنتباه الي حواليه بإنجازاته ، حقود و غيور لا يحب احد يبقي أنجح منه أو يتميز عنه و ده في الغالب بيكون حافز ليه و بيكون من مدمنين الشغل.

النوع الرابع : المتفرد او الرومانسي


النوع ده بقي الي بيتقاله انت عايش في الlala land شايفين ان الحل الأنسب لكل حاجه هو الحب او الارتباط بيحسسك ان الدنيا دايما بمبي كدة و سعاد حسني اوي ف نفسه و بيكون كمان مرهف و حساس جدا يتأثر بسرعه وذكي و مبدع ، كتوم جدا لا يحب احد يعرف حاجه عن حياته ..
*سلبياته* دايما متقلب المزاج و عنده حدة الانفعال الي هو يأما فرحان يأما بائس و مكتئب لا يوجد وسط و دائما بيحس ان هو محور حياة الي حواليه و حياتهم بقي هتقف عليه لو غاب.

النوع الخامس : المفكر او الباحث


دول بقي الناس بتوع الover thinking الي بيركزوا في تفاصيل كل حاجه و يحللوها لخد مبتجيب أجلهم و نادرا لما بيعرفوا يستمتعوا بيوقتهم ، مترددين جدا و طبعا بيبقو فضوليين بيحبوا يعرفو أخبار الناس و تفاصيل حياتهم ماهو طبع بقي بس برضو برغم ده مستقلين بذاتهم و بيحبوا ينعزلوا عن باقى الناس من وقت للاخر
*سلبياته*: بيشك في اي حاجه حواليه شخص لا يثق في احد و بيحب يتدخل في شخصيات الناس و حياتهم.

النوع السادس : المخلص


بيكون مخلص لكل الي حواليه مرتبط اوي بعيلته و أصحابه و وهوأهم أولوياته ويعرف يكسب ثقه الناس و شخصيته جد و يتحمل المسؤلية و يساعد الي حواليه..
*سلبياته*: في اوقات كثيرة قلقان ويخاف من المخاطر و لا يحب خوض اي مغامرة او يجرب حاجة مختلفة ميكونش عارفها

النوع السابع : المتحمس او محب الحياة


ده بقي الي ضارب الحياة صرمة زي ما بيقولو نشيط كدة و بيحب ينطلق و متفائل بيحاول يستمتع بالحياة بكل الطرق الممكنة و يكره الروتين علشان كدة دايما بيعمل حاجات جديدة و بيخوض مغامرات عشان يكسر الملل ده و بيكون مرن كدة في التعامل مع اي موقف و عفوي في كلامه..
*سلبياته*: متهور لا يفكر في الحاجة التى سوف تأذيه و لا لا و بيسرح كتييير.

النوع الثامن : القيادي او المتحدي


ده بقي بيكون في حياتنا كلنا و بنعرفو بسهولة عشان دايما بيحاول يبقي هو المسؤل عن كل حاجه تحسه اتولد عشان يبقي رائد عنده ثقة كبيرة في نفسه و في قدراته و دايما بيبقي أد اي مسؤلية و يقدر يكون قائد علشان حازم في قراراته و قوي و عنده حيل و أفكار كتير بتخليه يوصل لأي حاجة عايزها..
*سلبياته*: لا يحب حد ينتقده و يحب انه يبقي دايما مسيطر علي الي حواليه و يتحكم فيهم و متهور أحياناً

النوع التاسع : صانع السلام او الوسيط


ده بيحب يصلح كل العلاقات عامل زي حمامة السلام  موثوق فيه و يسعي دائما انه يعمل جو ألفه مع اللي حواليه و بيحب يندمج معاهم ، متفائل و عنده اصل كدة و بيصون العشرة ..
*سلبياته*: كسول يحب يؤجل كل حاجه و يبسط كل حاجة و كل مشكله لحد مبتتعك خالص

أتمنى أن يكون موضوعي اليوم مفيداً لك
 وفي هذه الحالة يسعدني جداً تلقي تعليقك على الموضوع
 وأيضاً مشاركتك للموضوع مع أصدقاءك.



اقرأ ايضا :-



الكلمات الدلالية:-
انواع الشخصيات, اعرف نفسك, انواع الشخصيات في علم النفس, أنواع الشخصيات, إعرف نفسك, اعرف نفسك بنفسك, انواع شخصيات البنات, انواع شخصيات الانسان, إعرف نفسك بنفسك

عن الكاتب

saied fadl

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

كيرو كورسات